1. Les inscriptions sont actuellement ouvertes.
    .التسجيل مفتوح

وصفات لالة مولاتي على ميد راديو ليوم 20.4.2011

Discussion dans 'Archives de l'émission - أرشيف الحلقات' créé par مدام التازي, 29 Mai 2011.

  1. مدام التازي عضو متميز


    وصفات لالة مولاتي على ميد راديو ليوم 20.4.2011

    شهيوات ميد
    [IMG]
    مسمن معمر باللوز
    مقادير العجين
    500 غرام طحين فرص
    صفار بيضة
    شوية زعفران حر
    قبصة مسكة حرة مدقوقة
    شوية ملح
    2 معالق من زنجلان محمر ومطجون
    معلقة نافع محمر ومطحون
    زلافة زيت
    مقادير الحشوة
    250 غرام اللوز
    معلقة ماء زهر
    4 معالق كبار سنيدة
    ربع معلقة زبدة
    ربع معلقة مسكة حرة مدقوقة
    شوية زنجلان و شوية اللوز مقلي ومهرمش و العسل
    الطريقة العجين
    نعجنو المسمن فقصرية نديرو طحين     صفار بيضة شوية زعفران حر قبصة مسكة حرة مدقوقة
    شوية ملح 2معالق من زنجلان محمر ومطجون معلقة نافع محمر ومطحون نخلطو كولشي ونجمعوهم بماء دافئ ندلكو العجينة ديالنا ونديروها كويرات وندهنوهم بالزيت ونخليوهم جانبا
    طريقة الحشوة
    ناخدواللوز نصلقوه ونقيوه و نطحنوه في طحانة الكهربائية مع معلقة ماء زهر و 4 معالق سنيدة و ربع معلقة مسكة حرة و ربع معلقة الزبدة نخلطو كولشي ونحضرو منهم كويرات صغار
    ناخدو كويرات العجين بعد ما خليناهم ارتاحو و كان ورقوهم بزيت و نديرو الحضوة في الوسط و نطويو على شكل مسمنة حتى نكملو جميع الكويرات كان قليوهم في الزيت فاش طيب نغطسوهم في العسل دافئ ونصفيوهم ونرشوهم بزنجلان و اللوز
    [IMG]
    حياة من الصويرة

    غريبة
    2 بيضات
    2 كيسان زيت
    2 كيساان سنيدة
    رابعة زبدة
    2 خمارات
    كاس كوك
    طحين حسب الخليط
    التزيين
    شوية اللوز مصلوق ومقضر ومقسوم على 2 وصفار بيضة
    نخدمو زبدة مع سكر + البيض + الكوك + طحين و الخمارة نديروها على شكل غريبة و نديرو وصط منها نصف لوزة و ندهنوها بصفار البيض

    غريبة بكاوكاو
    كيلو كاوكاو عادي مطحون
    8 بيضات
    2 خمارات
    نصف كيلو سنيدة
    200 غرام كوك
    كاس زيت عنبة
    سكر كلاصي
    ناخدو كاوكاو و الكوك و سنيدة و نخلطو كولشي نضيفو الخميرة و نخلطو ونزيدو الزيت و البيض ونجمعو كولشي مدة 10 دقائق نديرو على شكل غريبة ونفندوها من جهة على بسكر كلاصي و لا كاوكاو مهرمش


    [IMG]
    ام رانيا من الدار البيضاء

    كيكة بلمشروب الغازي

    4 بيضات
    2 كيسان سنيدة
    2 كيسان زيت
    5 كيسان طحين
    2 خمارات
    2 دراهم بودرة الكاكاو
    قرعة صغيرة مشروب غادي ثمن 2دراهم و 50
    نخلطو كولشي نشدو مول طويل ندهنوه ونرشو دقيق ونديروها فيه وندخلوها طيب فاش طيب نشدو شكلاط نديروه فحمام مريم حتى ادوب نخلطوه مع ياغورت شكلاط ونديروه من فوق لكيكة و نرشوها باللوز مهرمش و بالصحة و الراحة
    [IMG]
    ام يـــــاســــــر

    دواء الحجر فلكلاوي
    زعفران حر + درهم حبة سوداء + درهم قرفة و درهم هرا س الحجر و درهم نوار الكرموص ناشدو هادشي نقيوه و نغليو لتر ماء حتى اغلا ونكبو على المقادير ونخليوه حتى اطلق بدل مات شربي الماء كات شربي من المحلول و بالشفاء ان شاء الله

    دواء للحمل ان شاء الله
    رابعة حب رشاد منقية نديرو فيها قرعة ديال الخل حتى اشب الخل كولو و من الليل الليل ناخدو معلقة مع اتاي بزعفران مزيان للبرد
    [IMG]
    عتــــيقــة من مراكش

    وصفة البقع السوداء
    2 معالق عسل
    معلقة كبيرة زيت لكلسرين
    معلقة عصير حامض
    نخلطو كولشي ونديروها كمسك مدة نصف ساعة
    وصفة تصفية البشرة
    ناخدو تفاحة محكوكة
    معلقة نشا
    معلقة عصير الخس
    قطرات حامض
    2 معالق طحين
    نخلطو كولشي ونديروه مدة نصف ساعة على الوجه
    ضروري بعد كل وصفة ندوزو طرف ديال ثلج على الوجه باش الماسك اعطي مفعول ديالو
    طارت بالحامض
    3 بيضات
    كاس عنبة سكر سنيدة
    كاس عنبة زيت
    نصف كاس حليب
    2 كيسان طحين
    خمارة بيضة
    2 خمارات حمرين
    مقادير الكريمة
    نصف لتر حليب
    3 معالق كبار كريم باتسيير
    3 عصير حامضات
    5 معالق سنيدة
    نشدو مقادير العجين نخلطو كولشي ونديروها فمول وندخلوها طيب
    نديرو ايضا مقادير الكريمة فوق كاسرونة على عافية مهيلة حتى عقاد بعد ما نخرجو الكيكة من الفران نديرو فوق منها الكريمة وندخلوها للثلاجة و بالصحة و الراحة
    [IMG]
    ليلى ام ياسين من الدار البيضاء
    وصفة صداع المفاصل
    زريعة لكرمب طبيعي
    ضروس ثومة مهرمشين بلقشور ديالهم
    اتبخو مع نصف لتر ماس و نحليوهم بالعسل و نبقاو نشربوهم طول النهار

    وصفة مزيانة للشعر
    ناخدو مرارة المعز نعمروها بالحرمل و تكاوت و لحديدة الحمراء و زنجلان ونزريعت الكتان و شوية من عصير دركة نخليوهم اكرمو في الضل فاش تكرم نطخنوها و نديروها مع زيت العود وزيت لكوك و زيت الخزامة نخلطو كولشي ونخليوه جانبا مرة مرة ندهنو بزيت و داك تخت نشققو به مرة في الاسبوع
    رائحة للاكار
    ناخدو برتقالة كبيرة نغسلوها ونمسحوها ونغرسو فيها لقرنفل و نلفوها بكلينيكس ونديروها في جنب لبلاكار مدة 5 ايام ونديرو كموسات الخزامة
    بالنسبة لناموس
    تحطي عند راسك زلافة فيها الخل و قطعة البصلة
    زيادة الارداف
    250 غرام دروة جمل
    رابعة ثمر مفور
    فليو
    زعتر
    حلبة
    معلقة ثومة
    العنبر الازرق
    معلقة سيكرام
    نخلطو كولشي ونديروه قوليبات ونديروهم الليل الليل
    [IMG]
    نعيمة من بوسكورة

    كيكة
    3 بيضات
    كاس زيت
    ياغورت بنان
    3 خمارات
    كاس سنيدة
    دقيق حسب الخليط
    نخلطو كولشي ونديروها فلمول وندخلوها للفران فاش طلع لينا الكيكة شوية ناخدو تفاح نقطعوه شرائح طويلة و البنان دوائرة ونستفوه من الفوق وهي وسط الفرانفاش طيب نسقيوها بعصير الليمون و سكر ونزينوها بشكلاط و لا لكوك لي بغينا

    [IMG]
    طارت بدجاج
    نشدو دجاج نقطعوه طريفات ونقليوهم
    و البطاطة حتى هي مربعات ونقليوهم
    3 فرماجات
    و شوية لبابة الخبز طري نرطبوه فشوية الحليب ونطربوه مع 4 بيضات و شوية الملح
    ونخلطو كولشي ونديروها فلمول و نحكو من الفوق فرماج محكوك و بالصحة و الراحة
    [IMG]
    سناء من برشيد
    طارطة مالحة

    500 غرام دقيق
    50 غرام زبدة
    صفار بيضة
    زلافة حليب
    الحشوة
    500 غرام كفتة اللحم
    زلافة خبز محكوك
    160 غرام فرماج محكوك
    شوية ربيع
    2 بصلات مشلظين
    ضامة بنة
    2 بيضات
    120 غرام زبدة
    ملح و ابزار
    ناخدو دقيق و ملح و زبدة و صفار بيضة نخلطو كولشي ونجمعو كولشي بلحليب ونخليوها ترتاح
    نشدو الحشوة نديرو في مقلة زبدة ضامة البنة و و شوية ملح و بصلة مشلضة حتى تزل البصلة عاد كان زيدو الكفتة ونحركو مزيان ونزيدو ربيع و خبز شابلوغ و الفرماج ونحركو ومن بعد نزيدو 2 بيضات من بعد ما طفينا العافية مخص البيض اطيب فقط فسخونية نخليوها تبرد
    نورقوها بلمدلك ونديروها فلمول دائري نحطو طبقة كفتة ثم نغطيو بطبقة من العجين و ناخدو شوية العجين ونورقوها ونزوقو بها وجه العجين و ندهنوها بصفار بيض وندخلوها طيب و بالصحة و الراحة
    [IMG]
    كيكة الحامض
    4 بيضات
    كاس زيت
    2 كيسان سنيدة
    حامضة
    4 الخمارات
    1 فاني
    3 كيسان طحين
    ناخدو الحامضة نحكوها ونشدو البيض نطربوه مع سنيدة مزيان ونزيدو الزيت و الحامضة لي حكينا وزيت و دقيق و الخميرة ندخلوها طيب و نزوقوها بلكلاصاج
    كاس صغير سكر كلاصي
    ابيض 2 بيضات
    2 معالق عصير ليمون
    معلقة كبير عصير حامض
    نطربو كولشي ونكبو فوق الكيكة فاش طيب ونرشو بقشرة الحامض محكوكة
    [IMG]

    وصفة لازالة البطن
    معلقة حب رشاد
    معلقة القرفة عواد
    معلقة زريعت الكتان
    نتبخو كولشي فلتر ماء ونبقاو ناخدو كاس قبل كل وجبة
    [IMG]
    خديجة من سطات
    طورطة بشكلاط
    3 كيسان طحين
    50 غرام زبدة
    زلافة سنيدة
    1 فاني
    3 بيضات
    ملح
    2 خمارت الحلوة
    الحليب
    كاس ماء
    بودرة الكاكاو
    معلقة قهوة سريعة دوبان
    نديرو فكاسرونة كاس ماء ومعلقة قهوة سريعة دوبان و الكاكاو نخليوهم ادوبو مزيان ونضيفوهم على المقادير الكاملة ونخلطو كولشي ونديروها فلمول وندخلوها طيب
    الحشوة زبدة و الحليب و شكلاط و سكر كلاصي و 1 فاني
    نخلطو كولشي حتى نحصل على كريمة
    فاش طيب نقسمو لكيكة من الوسط ندهنوها بلكريمة و لي بقا لينا نغطيو به الوجه ديال الكيكة و بالصحة و الراحة
    [IMG]
    مجيدة ام سناء من رباط
    ناخدو بصلة نشلظوها نديروها في مقلة مع شوية الملح و لبزار و ز بدة حتى تنزل من بعد نزولوها من فوق العافية نزيدو عليها نصف كيلو كفتة و بيضة و شوية زعيترة نشدو شعرية رقيقة نكبو عليها ماء طايب ونصفيوها ونزيدو على الخليط و نزيدو معها 250 غرام فروماج حمرمحكوك نشدو لاطة ندهنوها ونبقاو نهز بحال شكل ديغوشي ونديرو في لاطة و بالصحة و الراحة

    حلوة
    4 بيضات
    زلافة زيت ناقصة
    زلافة سنيدة ناقصة
    2 خمارات
    3 معالق عسل
    2 معالق صغار بيكاربونات صودا
    نخلطو كولشي وندهنو لاطة بزيت ونديروها كويرات وندهنوهم من لفوق بصفار بيضة و وندخلوها طيب بالصحة و الراحة
    [IMG]
    بشرى من الرباط
    كاطو نواغ
    200 غرام زبدة دايبة
    200 غرام سنيدة
    200 غرام طحين
    3 بيضات
    2 خمارات
    نخدمو كولشي ونديرو معاهم 3 معالق كاكاو مخلطين بلماء نخويو فلمول ونديرو طريفات شكلاط وطريفات الكركاع
    لكريمة
    100 غرام شكلا
    100 غرام زبدة
    100 غرام سنيدة
    4 معالق حليب
    نديروهم فحمام مريم فاش طيب نكبوه من الفوق ونزينو بطريفات الكركاع و بالصحة و الراحة
    [IMG]
    الحاجة زهرة من مراكش
    دجاج بازير و زعيترة
    ناخدو دجاجة بين 2 كيلو وربع حتال 2 كيلو ونصف مغسلوة ومقطعة ل 6 قطع نديرو تسقطر
    نصف رابعة زبدة و كاس عنبة ماء
    توابل معلقة صغير ازير مطحون مع معلقة زعيترة و ضامة بنة دجاج راس معلقة زعفران زخبة نخلطو كولشي بكاء ماء ونمرمدو فيها القطع ديال دجاج وندهنوهم بزبدة ونديروهم في طاوة ونكبو كاس ماء ونغطيوهم ببابي اليمنيوم و ندخلوهم للفران في عافية متوسطة
    ناخدو 3 حبات بطاطة
    3 حبات جز
    كاس صغير جلبانة نقطعو الجزر و لبطاطة مكعبات ونصلقوهم مع شوية الملح
    نصفيو الخضر ونضيفو شوية الزبدة وشوية الابزار و نشحروهم في طبق التقديم نقدمو قطع الدجاج مرفوقة بالخضرة و المرقة الخاترة ديال دجاج و بالصخة و الراحة
    مدام التازي, 29 Mai 2011
    #1
    sara ben ali aime ça.

  2. latifa-swami Membre

    merci 3l
    latifa-swami, 1 Juin 2011
    #2

  3. latifa-swami Membre

    merci 3la koulchi walakin mal9inach l3nbr zra9 fin momkin nl9awh
    latifa-swami, 1 Juin 2011
    #3

  4. sana10 Membre

    جزاك الله خيرا
    sana10, 4 Juin 2011
    #4

  5. zora chaimae Membre

    الله يرحم ليك الوالدين
    دابا اللي فلتات شي وصفة تلقاها عند مدام التازي
    zora chaimae, 5 Juin 2011
    #5

Partager cette page