1. مدام التازي عضو متميز

   
   وصفات ميد راديو على برنامج لالة مولاتي ليوم 30.3.2011
   
   وصفات طبيعية بخصوص ظهور الشيب
   - ممكن ناخدو اوراق الكركاع طريين نغليوهم فوق العافية مع لتر ماء مدة 10 دقائق نخليوهم حتى اطلقو شوية ومن بعد ناخدو الماء ونبللو بيه الشعر يوميا قبل النوم
   - اوراق الثوم مكرمين ومطحونيت نخلطهم مع الماء مغليين نديروهم كصباغة
   - ايضا اوراق الدنجال نكرموهم في الفران مزيان ونطحنهم و نعجنوهم مع شوية الماء ونوضعهمز باستمرار كصباغة
   ايضا ممكن نغليو حفنة البابونج في لتر ماء لمدة 10 دقايق ونخلطوهم مع شوية خرقوم بلدي ثم نوضعو هاد الوصفة مرة في الاسبوع للشعر ديالنا
   
   شهيوات ميد
   
   بان كيك
   كاس صغير حليب
   2 بيضات
   120 غرام طحين
   2 خمارات
   2 معالق سنيدة
   قبصة الملح
   كان خلطو
   في اناء كان خلطو 2 صفار البيض مع كاس صغير ديال الحليب
   و في اناء اخر كان خلطو 120 غرام طحين مع قبصة ملح مع 2 خمارات مع 2 معالق سنيدة كان خلطو مزيان عاد كان ضيفو الخليط الاول مع ثاني كان خلطو مزيان من بعد كا ناخدو 2 بيض البيض كان طربوهم حتى كي وليو فحال ثلج وكان ضيفوه للخليط ديالنا كان خلطو بشوية بشوية بملعقة خشبية ثم كان غطيو الخليط ديالنا ارتاح مدة نصف ساعة
   بعد نصف ساعة كان ناخدومقلة ديال البغرير و لكريب كان سخنوها مزيان وكان كبو وسط المقلة تقريبا معلقة ونصف كبيرة ونخليوها طيب و نبقاو نقلوها باش تحمر حتى نكملو الخليط فاش نبغيو نقدموها اما نزينوها بشكلاط دايب و نشرو كاوكاو مهرمش ولا كونفتير حسب الرغبة و بالصحة و الراحة
   
   قطع الخبز بطون
   خبز بكيط بارزيان
   6 معالق زيت العود
   2 ضروس توم مدقوقين
   معلقة كبير صلصة كتشب
   2 علب طون بلا زيت
   فرماج محكوك
   غادي نقطعو خبز برزيان قطع كبير وندخلوه للفران اتحمر شوية نخرجوه ونغطسو الوجه ديالو فزيت العود مع 2 ضروس توم مدقوقين من بعد ندهنوه بصلصة الكتشب ثم نوضعو شوية طون من الفوق تم نغطيو طبقة الطون بالفرماج محكوك
   
   مجدولين من اسفي
   زيوت تسمين الوجه و بعض المناطق في الجسم
   معلقة زيت الحلبة مع معلقة زيت الورد نبقاوندهنو بهم الوجه ديالنا
   قرعة زيت الحلبة و معلقة زيت الخرواع ومعلقة زيت الحمص نخلطوهم ونبقاو ندهنو به
   طريقة صنع زيت الحلبة
   كاس حلبة بلدية اتغلاو على نار مهيلة مع كاس ماء حتى اقلال الماء ومن بعد نديرو كاس الزيت الرومية ونخليوه اتغلا حتى انشف الماء و تبقا غير زيت غادي ناخدو ونخويوه فشي ليبة ونبقاو نعصرو ديك زيت مزيان ونحتافضو بها فشي قرعة
   قناع قشور البنان للشعر
   3 قشور البنانات نخلطوهم مع قرعة زيت الكوكو و قرعة زيت العود نفس القرعة ديال زيت الكوك نديروهم فوق نار فحمام مريم و من بعد نبقاو ندهنو بخصلة بخصلة
   شومبان للشعر
   2 معالق كلسرين زيت +2 معالق كبار زيت الزيتون +2 معالق كبار زيت الكوك + 2 معالق كبار خل التفاح +بيضة بلدية
   نسخنو لكلسرين على نار مهيلة ونخلطو كولشي المقادير من بعد نزيدو خل التفاح اكون بارد من بعد نزيدو بيضة بلدية ومن بعد نديروه فشي قرعة ونبقاو نخلطوه مزياان مزياان من بعد نديروه للشعر ديالنا فاش نغسلو الشعر بلا مان ديرو شومبان نغسلوه غير هكداك
   وصفة نعومة الشعر الاطفال
   ماء نافع مزياان تبقاي تشللي به الشعر
   تضيق المسام
   صفر بيضة +قشرة حامضة محكوكة +عصير حامضة نخلطو كولشي ونديروه للبشرة مدة 15دقيقة 2 خطرات في الاسبوع
   الحاجة فاطمة ام مجدولين
   وصفة لي عندها بومزوي
   مخصهاش تشرب الحاجة بارد تكون ناعسة في الفراش على ظهر وي مد ليها شي حد قرعة ماء بارد من المجمد وديرها فوق سرة وتخليها مدة طويلة تكرري العملية مدة 3 ايام و بالشفاء ان شاء الله
   وصفة للأعصاب
   ناخدو شريحة نغسلوها ونغليوها في الماء ونبقاو نشربو الماء و هديك شريحة ممكن ديري بها كونفتير يعني حتى حاجة ما ضيعش
   وصفة الحبوب في الوجه او اي مناطق في الجسم
   محلول الشيح ناخدو شيح نكبو عليه ماء طايب ماشي نغليوه لا نديرو شيح فشي اناء ونكبو عليه ماء طايب ونخليوه اطلق حتى اولي احمر وندوزوه على المناطق لي فيه الحبوب
   
   عتيقة من الدار البيضاء
   
   موس بلفريز
   2 ابيض البيض
   120 غرام سنيدة نطربو بيض البيض ومن بعد نزيدو سنيدة
   ناخدو 100 غرام كريم فريش نطربوها مع 2 معالق سكر حتى كا طلع
   ناخدو 200 غرام فريز نطحنهم نخليو حبات للتزين
   من بعد نخلطو كولشي ونخليو زلافة كريم فريش للتزين
   نخلطو كولشي
   ناخدو كوؤوس نقطعو شوية فريز نديروه ونديرو لاكريم فلجيب الحلوني ونديروه فوق الفريز لي درنا فلكؤوس ونزوقو بقطع الفريز و رقائق اللوز و بالصحة و الراحة ناكلوها باردة
   
   ليلى من اكادير
   
   حلوة الاجاص
   500 غرام دقيق
   150 غرام زبدة
   150 غرام سكر كلاصي
   نصف كاس حليب
   كاس زيت
   1 فاني
   1 خميرة الحلوة
   شوية الملح
   قشرة حامضة محكوكة
   2 بيضات
   ناخدو زبد مع سكر حتى تولي كريمة نزيدو زيت و الحليب و فاني و قشور حامضة و شوية الملح نخلطو كولشي من بعد نزيدو الدقيق و الخميرة حتى تجمع العجينة ناخدو مول طويل نسرحو فيه العجينة و نخليوها ابار
   5 بوعويدات نقشروهم تم نديرو عليهم شوية الحامض
   سيرو فيه كاس صغير ماء سكر سنيدة و عواد القرفة ونزيدو بوعويد اغلاو شوية فوق النار 2 دقائق تقريبا من بعد نحيدوه ونديروه فوق العجينة نستفو بوعويد
   من بعد ناخدو معلقة كبير زبدة ومعلقة كبيرة سنيدة نديروهم فوق العفية حتى دوب زبدة فاش طيب الكيكة نسقيو بها بهذا سيرو و بالصحة و الراحة
   
   حورية من المحمدية
   
   وصفة النمش
   معلقة زيت المشماش ومعلقة عصير البصلة و معلقة عصير الحامض و معلقة العسل الحر
   نخلطو كولشي في قرعة وندهنو الوجه صباح و الليل
   وصفة البواسير
   تدهن المنطقة بزيت الحبة السودااء من بعد ندقو الزعتر حتى اولي ملين مزيان ونخلطو مع زيت الحبة سوداء ونديروهم على شكل قويلبات
   قشور البيض البلدي المصلوق نطحنهم مزيااان ونخلطهم مع شوية سمن الحار و شوية الكافور البلدي نعجنوهم ونديروهم على شكل قويلبات ونديروهم في المجمد ونستعملوهم كقويلبات
   وصفة الكلف
   غسل الوجه بماء النترون من بعد
   ناخدو عصارة الخبيزة نخلطها مع دقيق شعير نديروه للوجه ديالنا نخليوه 20 دقيقة تم نغسلو بماء دافئ تم بماء بارد
   كل ليلة نمسحو بماء كرمب
   وصفة شعر ناشف
   معلقة زبدة بلدية بدون ملح
   معلقة عسل الحر
   معلقة الزاز
   نخلطو كولشي ونعملو كقناع للشعر نخليوه ساعة فاش نغسلوه اخر تشليلة بلخرطال
   وصفة للكلف
   طرف البطيخ بلقشرة ديالو نعملوه في الخلاط الكهربائي ونخلطوه مع دقيق شعير ونعملو كمسك للوجه مدة 20 دقيقة
   وصف مسام واسع
   نديرو مساج للوجه اما بزيت اللوز اما زيت البلدية ندلكو بحركات دائرية
   من بعد نجيبو عصارة النعناع +2 معالق عصارة تفاح + 2 معالق عسل حر
   نديروه كقناه مدة 3 سوايع ونداومو عليه على الاقل مرة فسيمنة
   وصفة شحوم في الجسم
   كاس ماء دافئ مع معلقة خل تفاح نشربوه فالليل
   و في وسط االنهار نحاولو ناكلو خضرة مصلوقة ولا مبخرة
   وصفة للرجلين و اليدين
   بيض بيضة نعملوها في الخلاط مع 2 معالق ياغوت طبيعي ومعلقة شبة مدقوقة و لفرار ديال القهوة نخلطو كولشي وندهنو اليدين و رجلين
   مدة 15 دقيقة نديرو شوية زيت كلسرين في اليدين ونديرو كوماج ليهم حركات دائرية مبارة فاش تان غسلو تان مسحو بزيت كلسرين
   وصفة الشعر ليف الوجه
   ناخدو 2 معالق تارة نكبو عليها ربع كاس ماء طايب كل ساعة ندهنو بها غير تنشف ندهنو ومن تما نديرو لاصير
   
   خالتي كنزة من الدار البيضاء
   
   حنيشات في الكرش
   كاس زريعت الكرعة الحمراء نقيوها
   2 معالق شيح مطحونين نشدو زريعت الكرعة نديروهم في الخلاط نزيدو عليهم نصف لتر حليب ونبيتوهم مطحونين ونصف لتر حليب نكونو ناقصين منو كاس في صباح فاش نبغيو نعطويه للشخص لي فيه لحنيشات نحركو الخليط ونكبو عليه كاس الحليب لي كنا نقصنا ونعطيوه كاس قبل الفطور و قبل الغداء و قبل العشاء
   وصفة بومزوي
   كاسعنبة ديال سرغينة مطحونة
   وكاس ثمر مطحون نخلطوهم مع بعضياتهم
   ونديروهم كويرات و كل صباح و غداء و عشاء ناخدو كويرة
   وصفة تقوية الشعر
   كاس زوان
   كاس زريعت الكتان
   كاس زنجلان
   3 كيسان زيت المائدة
   كولشي غادي نطحنوه
   و زيت المائدة نديروه في حمام مريم ونزيدو عليه المكونات الاخرى ونحركوه ونديروه في القرعة ونخليوه وقتما بغينا نمشيو لحمام نخلطو القرعة و نبقاو نشققو مزيااان الشعر زغبة بزغبة ونديرو شي فوطة سخونة ولا نتمشاو فشمس شوية
   وصفة لكزيمة
   كاس عدس
   كاس ونصف خل عادي
   نطحنو العدس نطحنوه ونكبو عليه كاس ونصف خل عادي ونخليوه اشرب شوية
   ونبقاو ندهنو مكان الكزيمة
   
   فتيحة من راشيدية
   
   وصفة تبيض اليدين
   خل التفاح +زيت البلدية و عصير الحامض ناخدو مقادير متساوية ونديروهم فشي قريعة ونبقاو ندهنو بيهم في الليل وصباح نغسو اليدين و فاش نغسلوهم ندهنو اليدين بالحامض
   وصفة تقوية الحجبان
   زيت الخرواع + زيت اللوز
   نخلطوهم ونبقاو ندهنو بيهم الحجبان 3 الخطرات في النهار
   
   بشرى *ام عبد الجليل*من الدار البيضاء
   
   غريبة باللوز افيلي
   رابعة زبيب مطحون
   رابعة زبدة
   4 صفار البيض
   2 كيسان زيت
   2 خمارات
   2 ليمونات محكوكين
   دقيق حسب الخليط
   نخلطو كولشي ونديروها على شكل غريبة ونغطسو فبيض البيض ونزوقوها باللوز وندخلوها للفران و بالصحة و الراحة
   
   وصفة لداء سكري
   رابعة زوان طويل
   رابعة كركاع
   رابعة الحلبة
   رابعة زريعت الكتان نطحنو كولشي
   معلقة قبل الفطور و معلقة بعد العشاء مع المداومة
   قبل مان ستعملوها الوصفة نعبرو السكار ونستعملوها بعد سيمنة نعبرو و بالشفاء ان شاء الله

   مدام التازي, 29 Mai 2011

   #1

   sara ben ali et zahra ben aicha aiment ça.
2. Hajaicha Membre

   CHOCRANE ALALA LA3JIJA

   Hajaicha, 22 Octobre 2011

   #2
3. zineb89 Membre

   merci bazf bazf

   zineb89, 22 Octobre 2011

   #3

• Connexion à Facebook

Votre nom ou adresse email:

Avez-vous déjà un compte ?

Vous avez oublié votre mot de passe?

• Non, créez-en un maintenant.
• Oui, mon mot de passe est:

Rester identifié