1. En cas de Probléme :
    Contacter l'admin : Ayoub | Mehdi

وصفات ميد رايو على برنامج لالة مولاتي ليوم 16/3/2011

Discussion dans 'أرشيف الحلقات' créé par مدام التازي, 29 Mai 2011.

  1. وصفات ميد رايو على برنامج لالة مولاتي ليوم 16/3/2011


    بسم الله الرحمن الرحيم

    مليكة من الدار البيضاء * اختصاصية الحلويات*


    فقاص حار

    *المقادير*
    نصف رابعة زبدة نباتية
    كاس حليب
    3 فرمجات متلثين
    شوية ملح
    معلقة كبيرة موطارد
    معلقة سكنجبير
    بيضة وحدة
    طحين لي غاي جمع المكونات
    هريسة اختيارية
    زلافة كاشير حار محكوك مزيان
    حبة سوداء
    الزعتر

    كاس الماء
    *الطريقة*
    نخلطو جميع المكونات الزبدة و الحليب و الفرماج و شوية ملح و الموطارد و سكنجبير و شوية هريسة ونجمعو بكاء الماء حتى نحصلو على عجين شوية شادة راسها فاش نجمعو العجينة نقسموها على 3 و نسرحو كل كرة فوق الطبلة نشدو البيضة نطربوها مزيااان نزيدو عليها 2 قطرات خل ونطربوها نشدو الكرة الاولى لي سرحنا فوق الطبلة ندهنوها بشوية من البيضة ونرشو الكاشير ونبرمو على شكل صبيعات رقاق ونقطعو ونبرمو ونقطعو حتى نكمل العجينة ناخدو الكرة الثانية نفس الشي نسرحوها فوق الطبلة ندهنوها بالبيض ونرشو الحبة السوداء نبرمو العجينة قد الاصبع ونقطعو 2 دورات و لا 3 ونقطعو نفس شي لكرة 3 ندهنو بالبيض ونرشو زعتر ونبرمو ونقطعو كان حصلو على حرابط قد صبع ندخلهم لفريكو شوية من بعد نقطعهم فقاقص صغار وندخلهم اطيبو و بالصحة و الراحة

    //صابلي بزنجلان //

    *المقادير*
    نصف كيلو زنجلان منقي ومحمر
    راعبة زبدة نباتية
    كاس زيت
    كاس سنيدة
    كوزة محكوكة
    راس معلقة قرفة
    رابعة شكلاط ابيض
    رابعة شكلاط اسود
    طحين حسب الخليط

    *الطريقة*
    ناخدو زنجلان لي حمرناه نطحنوه نخدموه مع الزبدة و سنيدة و الزيت و الكوزة محكوكة و راس المعلقة القرفة نخلطو مزيان ومنبعد نضيفو دقيق تدريجيا حتى اتجمع العجين ديالنا نسرحوها بلمدلك تكون رقيقة شوية ونرشموها بمرشم الهلال نستفوها في لاطة وندخلوها للفرن ندوبو الشكلاط الاسود في حمام مريم مع 2 معالق زيت نشدوه ونسرحو فوق رخامة بعد ما مسحناها نسرحوه مزيان نشدو شكلاط الابيض حتى هو ندوبوه بعد ماكات خرج كان دهنوها بشكلاط ابيض وكان زينوها بشكلاط الاسود بعد ما كان عملوه بلموس كات جي بحال جدر شجرة بخال الى ملوي وكان زينو بطريقة عشوائية و بالصحة و الراحة

    //عصير//
    *المقادير*
    نصف كيلو فريز
    بنانة
    تفاحة *الفواكه الموجودة عندك في البيت*
    رابعة كريم فريش
    لوز فيلي
    قهوة سريعة دوبان
    كان شدو لفريز نخليو 3 منو و الباقي نطحنوه مع شوية سنيدة نقطعو فيه بنانة و تفاحة رقيقة
    نخليوه اتلج شوية عاد نديروه فلكيسان نطلعو لاكريم فريش ونديروها فلجيب حلواني ونزوقو بيها ندردرو لوز فيلي ونشدو القهوة سريعة دوبان مع شوية د الماء ونخلطوها مزيان تولي بحال كريم ونبقاو نهزو بلمعلقة ونديروها بحال شي خويط من الفوق تزين لينا ديسير و بالصحة و الراحة
    حورية المحمدية
    *وصفة تجاعيد *
    نستعملو اما زيت اللوز او زيت اركان نديرو منها مساج حركات دائرية خفيفة
    مباشرة نوجودو عصارة عصير النعناع مع نصف معلقة زيت اللوز نعملوه في فصمة معقمة ونعملوه كمادات لعينين ديالنا ايضا قبل النوم نديرو جوائر الخيار نعملوهم في المجمد ونديرو فوق العينين مدة 10 دقائق
    *وصفة روماتيزم*
    ناخدو 3 معالق زيت زيتون و 3 معالق زيت العرعار
    *وصفة اوجاع الظهر*
    الخل و الخرطال
    ايضا زيت لخزامة نعملو بها مساج من رقبة حتى لحزام
    *وصفة لتهدئة الاعصاب *
    معلقة زيت الخزامة فكاس الحليب دافئ نفيضوه ونصفيوه ونديرو معلقة عسل و نشربوه يوميا قبل النوم
    *وصفة للبرد*
    الخزامة ندقوها ونديرو فتقاشر كات مص البرد
    *وصفة تبيض اليدين *
    اولا حمام اليدين بالاعشاب
    معلقة شيح ومعلقة خزامة و شوية المعدنوس و شوية نخالة نعملوهم في نصف لتر ماء طايب مزيان ونديروهم كحمام لليدين 10 دقائق
    نوجو خليط
    بطاقة مصلوقة و صفر بيضة بلدية 2 معالق كلسرين و 2 معالق حليب غبرة نخلطهم في الخلاط الكهربائي و نخلطو بماء ورد نحصلو على كريمة
    ندهنو بها اليدين و رجلين حتى تنشف نديرو تقاشر و اليدين نديرو ليكات فاش انش مزيان نديرو بحال كوماج مان غسلوش غير كوماج حتى تحيد وندهنو اليدين بلكلسرين ونعسو مع المداومة مدة اسبوع نلاحظ الفرق ان شاء الله
    * وصفة لكمل+صيبان*

    معلقة كبيرة زريعت المعدنوس او معلقة خزامة مطحونين مزيان نجيبوشوية شحمة ندويوها نحصلو بحال زيت ونخلطوها مع زريعت المعدنوس نحصلو بحال مرهم وندهنو بيه فروة الشعر ديالنا مزيان ونغطيوه بزيف مدة ساعة ومن بعد نغسلو شعر ديالنا اخر تشليلة نديرو معلقة زعتر ومعلقة خزامة في ماء ونشللو به شعر و وندهنو الفروة بزيت حبة حلاوة
    *وصفة تقوية الشعر و اطالة الشعر*
    نصف رابعة عضم الثمر مدقوقين مزيان
    3 معالق زيتون بلدي اسوود مدقوقين مزيان
    معلقة كبيرة حلبة مطحونة
    و معلقة كبيرة زعتر مطحون
    و2 معالق كبار جرجير مطحون
    نخلطو هاد الخلطة بزيت الزيتون ونديروه في حمام مريم
    ونديروه فقريعة وقتما بغينا نمشيو لحمام نشققو بها الشعر
    *عصير طبيعي تهدئة الاعصاب *
    4 ورقات كرومب
    نصف لتر ماء
    2 بصلات مقطعين
    نطيبو الخلطة ونصفيو الماء ونعملو فيه 3 معالق عسل ومعلقة نافع ونبقاو نشربو منو كاس ممكن نعطيه حتى الاطفال

    *وصفة صلع*
    ناخدو معلقة زيت لقرنفل

    معلقة زيت جرجير
    شوشة الدرة من عند العطار نكرملوه ونطحنوه ونخلطوه مع زيت القرنفل و زيت الجرجير و قبل مان ديرو الوصفة ناخدو الملحة الحية نطحنوها و نحكوها مزياان في البلاصة لي فيها الصلع ومن بعد نديرو الخلطة
  2. Publicité Google

Partager cette page